Sorry, your browser doesn't support Java(tm).

Mi piaci lu me cielu e lu me ventu

 

Cielu timpistatu ccu li trona

ventu furiusu ca frisca nilla notti

varca ca cerca lu so mari

ma alla terra è attaccata ccu na cima

mari ca cerca lu so portu e nun lu trova

e si lu trova è sempri troppu nicu

aceddu ca si leva la matina

e nun avi u cumpagnuzzu ppi cantari

pisci ca intra a nassa iu a finiri

e aspetta dispiratu la so ura.

Quannu mi nni vaiu alla vintura

mi piaci lu me cielu e lu me ventu

e sugnu varca e mari

aceddu e pisciteddu allu mumentu

s'attrovu cu mi metti 'sta catina

forsi nun campu forsi moru prima

ma accussì n' arreggiu

e m'addumannu spissu

quannu lu iornu si nni va a curcari

n' pisci senza acqua ci po' stari?

n'aceddu senza aria po' campari?

 

versi di HARBOUR

Back

HOME